Francu De Fabiis: Su metalimbismu in sa didatiga de sa limba sarda

Annu academigu 2002/2003. Relassioni de acabu po esamini onau in sa primu sessioni de su 15 de Ladamini 2003.

Universidadi de Castedhu

Facultadi de Iscièntzia de sa Formatzioni

Dipartimentu Iscièntzias Pedagògigas e Filosòfigas

Maistraxu de segundu livellu

"Approcci interdisciplinari nella didattica del sardo"

Professori: Mauru Maxia

Scienti: Francu De Fabiis

Su metalimbismu in sa didatiga de sa limba sarda

Cumenti si poidi, oi in diri, circai de ndi bessiri de sa pauli de sa didatiga becia e bintrai in d'una ki arrespundada mellus a is esigentzias de s'iscola noa?

Fintzas a candu po istudiai e onai a is iscientis is abilidadis e is cumpetentzias de s'istudiu limbistigu no s'imperanta is ainas de sa limbistiga iscientifiga e si potzada onai a sa limba sarda puru sa possibilidadi de si castiai iss'e totu a sa manera de totu is ateras limbas, noas o antigas, bias o motas, eus arrennesci sceti de fai arkeolozia limbistiga e no cannoscientzia po ammaniai is possibilidadis de arricai is iscientis a pitzus de sa limba sarda e de totu is limbas.

Custu traballu pensau, istudiau, iscritu e ligiu in sardu esti istetiu cuncodrau po una didatiga de sa limba sarda ca faidi s'ancada de castiai a sa pratikesa limbistiga, una materia meda importanti in s'istudiu in is iscolas de oi, cun ogus nous po arribai a tenni cumpetentzia in totu is limbas sorrestas de su sardu e fintzas a lompi a biri e istudiai is "sistemas limbas" ki arrespundinti e si cuncodranta cun medas leis cumunas.

Totus is nominis de is bidhas ki funti assentaus in custa taula crassiadorza, funti cussus ca si funti lompius fintzas a oi in is documentus: fuedhaus e iscritus. Sa carta de is Logus Juicalis, bator, sighinti is lacanas de i custus fintzas a candu non funti istetius iscuncodraus dae is dominassionis ki anti sutamitiu a cad'e una is populassionis de sa Sardinna. S'utimu Logu Sardu abarrau indipendenti fudi istetiu cussu Arbarikesu, issu esti istetiu bincìu e sutamitiu a e dae su Logu Catalanekesu in sa prima mitadi de su XV segulu, de facto in su 1410 e de jure in su 1420.

Meda nomini dei is bidhas ca eus assentaus no si scidi in cali tretu de is Curadorias o Partes s'agatessinti, custu traballu serbidi fintzas a dhus fai circai de kini ada a ligi custa taula. De meda nominis s'arrennescidi a isciri cun pretzisioni manna in ca fuenta is bidhas oi in diri isperdias, poita, un'ota sderrutas is bidhas, is nomini de issas funti abarraus in calancun'atera cosa: nuraxis, mitzas, bingas, arrocas, istainis, giogantinus, cucurus, bruncus, arrius, cresias, muristenis, o su matessi, cumbessias. Po is sinnos ca eus imperau po iscriri custus nominis eus scioberau, isseperaus, is prus antigus, de tempus o de manera de dh’ assentai, o mellus is maneras de dhus assentai, fintzas a arribai a su nomini ki tenidi oi in diri sa bidha e totu. Is nominis de is bidhas funti is sambenados, sangunaus, de su terridorzu e cumenti a i custus aguantanta mellus in su tempus s'istrudura de sa Limba Sarda. A pitzus de unu nomini nc'esti un'istoria. Su nomini prus antigu de Castedhu esti Karalim, in latinu, prus antigu de Karalem, ma s'arrexina Karel esti prus antiga, forsis fenitza-punikesu. Ma i custa no nc'intra nudha cun su nomini de Castedhu, poita su castedhu prus mannu de Sardinna esti istetiu pesau dae is Pisanekesus a tundu de sa prima mitadi de su XIII segulu, in su 1217; is tuscanus tenianta su castedhu cosa issoru in su Cucuru Santu Miali, de aundi podianta apompiai sa Bidhamanna de su Logu Kalarikesu, ca fiada Santa Cilla. Santa Cilla s'ammentaus fiada sa Santa Manna, oi in diri puru, de is castedhayus. In Itallianu: Cecilia; in Sardu: Cilla o Gilla; in aterus sinnos-sonos: Ilia, Gilie, Gyllae e Santaguilla, ki assentanta sa matessi bidha o mellus su matessi sonu in ateras limbas. In su 1356/8 sa Bidhamanna de su Logu Kalarikesu benidi bincìa e sderruta dae sos Pisanos cun aterus Sardus alleaus issoru. Dae intzaras nosus bieus su nomini de Castedhu assentau cumenti Castrum Kaller ca esti lìgiu a sa Catalanekesa Caglier e dae custa lompidi a s'Itallianu Cagliari.

Ita esti sutzediu? Nosus naraus, o mellus sulaus, in Sardu Castedhu, su nomini de sa bidha Pisana, cuntinentali e a s'imbressi sulaus in Catalanu-Itallianu Cagliari, ki esti su nomini Sardu e prus antigu de sa nosta bidha. Ma no eus acabau, in tou is cartas Itallianas o foresas: Nùkoro, Nùgoro, Nùoro esti iscritu cumenti fiada sulau cun su sonu prus antigu de sa Limba Sarda e prus basciu in su Cundutu Suladorzu de s'omini.

Ma su Thu.enu, "colpo di glottide", no esti unu sonu de sa Limba e de su sistema limbistigu itallianu, is Aràbus teninti bator maneras de dhus assentai, e no esistidi in Itallianu su sinnu po dhu iscriri. E lompeus a sa insensibilidadi limbistiga de intendi artigulendi su sonu isballiau in Itallianu de Nuòro, e no in Nùoro, a medas Sardus ca anti perdiu, sdarrobaus, sa Cuscièntzia Sunetiga de sa limba issoru.

Sa Cuscièntzia Sunetiga de is Sardus s'imbentada un'ispetzia de "trassa limbistiga" de allobai sa N (enna) e sa L (ella) de fuedhus cumenti a Mannu (po Manu), Panni (po Pani), Mallu (po Malu), Pillu (po Pilu), cumenti traballada sa cuscientzia sunetiga de is Sinniesus. Sa kistioni esti de aici. In su sistema Limbistigu Sardu unu fuedhu cun d’una L (ella) sceti, o unu fuedhu cun d'una N (enna) sceti no esistiada, mellus no fiada amitiu, poita beniada Tzucue.au cumenti oi in diri e totu si faidi in medas ateras bidhas sardas. Ma.u (po Manu), Pa.i (po Pani), So.i (po Soli), Pa.ita (po Palita), Ma.adiu (po Maladiu). Custus fuedhus a Santu Idu, Murera, Bidheputzu, Sriugus e a Ballau, si sulanta de aici, ma a Sinnia, e in ateras bidhas lacanantis, s'esti perdiu de artigulai custu sonu ki esti su prus basciu de su Cundutu Suladorzu de s'omini, in s'Orguena o s'Ogroena, e su prus difitzili de sulai-artigulai.

Perdendi custa pratikesa limbistiga una pati de su Populu Sardu, in custu amostu is Sinniesus, sigumenti in su sistema sardu no fiada amitia una L e una N in mei a duas boxaras, s'imbentanta sa trassa limbistiga, kene dhu fai cun intentzionalidadi ma otomatigamenti, de dhi ponni duas LL e duas NN ki, custas eya, funti amitìas in su sistema limbistigu de su Sardu, cumenti in is fuedhus: Sartillia, Brentilliu, Calledhu, Illuegus, Allu. Intzaras teneus fuedhus i moi, ellus, amitìus, cumenti Panninu (po Paninu), Faminni (po Famini), Fasollu (po Fasolu), Matzollu (po Matzollu). Su matessi fuedhu benidi sulau in maneras diversas in is bidhas lacanantis in una ispetzia de "disintegrassioni atomiga" limbistiga, cumenti dae s'uraniu si lompidi, in is segulus, a su prumu; dae unu fuedhu cumente Ma.adiu (Sriugus), si lompidi in sa matessi manera mendelevarza a: Malladiu (Sinnia), Marhadiu (Ceraxus), Maladiu (Castedhu), Malato (Itallianu).

Insa.ada (Sriugus), Insallada (Sinnia), Insarhada (Ceraxus), Insalada (Castedhu), Insalata (Itallianu). Custu esti s'Imburdimentu Sunetigu, s'iscaresci o s’allebiamentu de sa cuscièntzia sunetiga, ca in custu fuedhu s'amostada ca s'unidadi limbistiga de is Sardus fiada unu tempus prus manna.

Ma esti s'avolotu, o s'abolotu, po sa Limba Sarda po arrennesci a biri de aundi si lompinti fuedhus ki no teninti arrexina in nisciuna limba oi cannota e cun meda probabilidadi funti Nuraxikesus, ca eus inghitzaus custus traballus Limbistigus. Sa zeografia sarda s'amostada medas de i custus nominis: Moguru, Mragaxori, Cea, Toneri, Gollei, Jara, Nuras, Baratz, Urradili, Litu e Padenti, Tzurru, Nurra, Gorropu, Kia.

Unidadi Didatiga

A cad'e nomini, o a suta de unu nomini, de bidha nc'esti un'istoria.

Crassi de istiba: Cuartas professionalis.

Prugramassioni: Primu modulu de s'annu.

Disciprina: Istoria.

Disciprinas de truessus: Zeografia, Limbistiga Sarda, Istoria de is Istitussiones Ecunomigas e Pulitigas, Paleografia e Dipromatiga.

Si depidi giai cannosci: Cannoscièntzia, fintzas unu pagu, de su limbazu istorigu, isciri ligi e cumprendi su liburu de istoria; isciri pigai, assentai e cuncodrai is apuntus de is lessionis; isciri ligi is cartas zeoistorigas e is taulas crassiadorzas de su tempus; cannoscièntzia, sceti calancunus elementus, de s'istoria de su Mesutempus.

Obietivus generallis:

Cannoschièntzia de is sutzedimentus istorigus.

Isciri arrecannosci e arregordai is fatus e is personagius e dhus isciri ponni in su tempus e in is logus.

Isciri bodhiri is carateristigas prus importantis de su periodu.

Isciri cumprendi e ligi is documentus partigularis de su tempus istudiaus.

Cumprendi is relassionis aintru de s'istoria generalli e cussa localli.

S'istoria bia dae su tempus: longu, mesu e curtzu periudu.

Obietivus ispetzifigus:

Traballai cun duas Limbas latinu noas: su Sardu e s'Itallianu.

Operadividadi de sa limba sarda: aintru de sa grafia e sunetiga de su sardu, cumenti iscrieus e sulaus is nominis de is bidhas?

Cannoscièntzia de is Logus Juicalis e s'organitzassioni de su terridorgiu in sa Sardinna de su Mesutempus.

Traballai cun is documentus de su tempus: cartas, kondaghes, iscrissiones, istromentus, cuncordius, paxis, bendassionis...

Fai s'istoria tzirkendi in is documentus antigus e in is arrastus de oi.

Isciri cumprendi, amanniendi su fuedhariu personalli, fuedhus cumenti: Juighissa, Biscontissa, Apatissa, Priorissa, Avatu, Juike, Logu, Lacanantis, Arrenneru, Kondaghe, Partes, Coronas, Makitzia, Carta de logu, Kertu, Donnikellu, Donnicalia, Terramannekesos, Curadore, Mayorales…

Ita nc'esti in s'unidadi didatiga:

Is bator Logus, is Partes e is Bidhas de is Judicaus.

Organitzassioi de s'unidadi didatiga: Cuatrus fasis, dua cidas, 12 oras.

1) Fasi, Presentassioni de s'Unidadi Didatiga a sa crassi: mes'ora; avumentraxu(brainstorming) de s'istoria de Sardinna: un'ora e mesu. Po domu a is iscientis si onada sa sighia de i custu nominis cun sa carta de is bator Logus Juicalis e si narada de cumentzai sa circa de is materiallis po podi presentai cad'e unu Logu Juicali: is primas noas istorigas de su Logu, is Juikes o Juighissas, is Bidhamannas, is datas prus importantis, is carrigas de su Logu, s'aministrassioni de is Partes o Curadorias, is Cartas de Logu, is iscrissiones, is kondaghes, is cresias e aterus materiallis. A s'acabu si poidi fai unu iscritu istoriografigu e si poidi pensai puru a una pubricassioni de totus is traballus.

2) Fasi, Circa in su catastu: Atobiu de totu is iscientis a is noi oras a Pirri po andai a biri is cartas: cuatru oras. Ki sa crassi esti in una bidha si poidi detzidi de biri e cicai in is libriotegas cumunalis o cussa de s'Universidadi de Castedhu.

3) Fasi, Lessioni frontalli a pitzus de sa Sardinna in su Mesutempus: un'ora e mesu. Pratzimentu de sa crassi in bator grupos ki incarriganta is segretarius e reladoris, si onada a cade de unu de issus unu Logu Juicali; traballu in crassi cun is materiallis agataus e iscioberaus: un'ora e mesu. Su traballu de is grupus, giai incarrerau in crassi, sighidi a domu.

4) Fasi, Presentassioni e relassioni, a boxi in crassi, de is traballus iscritus de totu is cuatrus grupus: mes'ora a cade de unu cun discussioni e relassioni.

Metudus:

Lessionis partetzipadas e traballu cooperativu, crassi e iscientis pratzius in grupus.

Istromentus:

Su liburu de istoria de sa crassi, atlantis e cartas zeoistorigas, fotocopias de is documentus antigus, lucidus, ateras pubricassionis partigularis e is kondaghes. Fuedharius de limba sarda de s’imperu, setoriallis e istorigus, cascitas audiovideo, compudadoris e internet, floppy disks e CD rom, registradoris, TV.

Curretzioni:

Test mesuistruturau cun arrespustas serradas, de calidadi berus o frassu, e a tres arrespustas obertas, massimu dexi arrigas. In totu doxi arrespustas, po unu totalli de puntegiu de dexi puntus.

Balutassioni:

Formativa e in su matessi tempus somativa, si onada un votu finalli ki tengada contu cumpressivamenti fintzas de s'impenniu e s'interessu de cad'e unu de is iscientis e sa situassioni de partensia de issus.

Aprofondimentus e recuperu:

Sceti ki esti netzessariu: un'ora.

Pubricassioni finalli:

De su traballu de totu sa crassi in paperi e/o in su zorronali de s'iscola, siada in CD-rom, cun cameras e fintzas o sceti sa registrassioni de is relassionis.

JUDICAU DE LOGUDORO O DE TORRES O ORIKESU

Dae su seculu IX a su 1259, bidhamanna: Alsdara, mannaria kmq. 6.958, biventis casi 50.000.

Anglona o Tzaramonte

Altana o Batarae, Ampurias o Santu Pedru, Anzos o Banjos, Assari o Casariu, *Bolonthenis, Bultzi, Calitzana, Calstedhu, Tzaramonte, Kokinas, Gulcei, *Insaris, Istorolu, Laerru, Martis, Monte di Campu o Ostiani, Monte Fulcadu, Multedhu, Nulvi, Orria Picinna, *Obcecario, Orria Manna, Ostena, Pelfigas, Salargiu, Santu Pedru de Simbranos, Santa Maria de Rughes o Billikennor, Sedini, *Sordella, Silanos o Soliu, Spilunca, Tergu, Bidharba, *Hostiani de Optentano, *Odatelis o Odaletis.

Caputabas

Argadar o Altasar, Mara, Bessude, Bonvehì o Bonuighinu, *Borconani, Campu Giabesu, Keremule, Cossoine, Jabe, Gurulis Vetus o Padria, Ilbiri, *Melbo, Modeju o Modulis, *Mogoro, Musidanu, Nuraghessu, Padria, Pitzos o Liessis, Puthumayore, Roca Ruja o Teclada, Seruis, Sustan o Sustaris, Santu Larenthu o Faules, Simanari, Sulvar, Thiesi, Tuscano, Seunis o Seruis, Uras, Romana.

Coros o Campulongu

Banzos, Briai, Bultaina o Turtanae, Campu Longu o de Loku, Cannedu, Coros, Cuga o Thuca, Junghi, Jusei o Biosei o Santu Imbricu, *Icirdelator, Itiri, Lodhaoro o Lodais, Junei, *Manu, *Manustoles, Noele o Noalis, Okila o Othila, Ossi, Paulis, Santu Silvaru, *Sartis, Tintas, o Linthas, Tissi, Uri o Uras, Usini, Turrighe, *Vindighinoris.

Costabadhe

Alkennero o Arkennor, Andronike o Androliga, Berkidha, Bonolva, Cunzadu, Nurapassar o Puthos de Sassu o Puthu Passaris, Rebecu, Semestene, Trekidhu, Trullas.

Dore, Orotedhi o Othan o Sarule.

Nugoro, Odhini o Olim, Onieri, Orane, Lollobe, Orgosolo, Orotedhi, Otzana o Othan, Sarule.

Fiolinas o Piaghe

Bayolis o Bualis, Bedas, *Bijenni, Carjeghe, Cea o Sorae, Codronjanus josso, Contra, Briave, Fiolinas, Kitarone, Muros, Muskyanu, *Nerbosa o Ilvossa, Noraya, Ostana, Othila, Piaghe, Putifigari, Sacarja, Salvennor, Santa Julia de Kitarone, *Urjeke o Urgethe, *Duluosae.

Frumenarza

Asinara o Asinares, Arca o Arrae, Bionisi o Bioris, Ardu o Cardo, Kerki o Querqui, Crocifissu Mannu o Domus Novas, Curcas o Cruca, Eguili, Elva o Erlae, Ertas, Jennano o Gonnano, Noi Noi o Nonnoy o Innoviu, Nuragadhu, Otan o Otava, Eristola, Save o Sahe, Sanx o Sancti, Seti Pramas, Tamule, *Taverra, Torres.

Gotzeano o Anela

Anela, Benetuti, Bono, Bortiocoris o Guiliciochor o Sant'Arvara, Suburgu, Isprollatu, Bortei, Idha o Bulteyine, Illorai, Lurcia, Nule, Ulususe o Usulifae, *Gotzeano, Botidha.

Marghine

Birori, Bolotana, Bortigale, Duarke, *Gitil, Borere o Gorare, Lei, Macumele, Mularja, Nuragugume, Saucu o Santu Selighes, Silano o Silanus.

Meilogu o Opia

Alsdara, *Beyco, Banari, Bunnannaru o Gonnannor, Bidha Noa, Boruta, Calvoi o Cayola, Captilis, *Capula, Kerkitzu, Costinas, Frida, Itiredhu, Lakesos, Mendhulas, Mores, Niedhu, Opia, Santu Perdu de Badhes, Santu Antoni de Thailo, Santu Paulu o de Nuli o Bidha Luna, Sari o Fara, Sauren, Siligo, Sorres, *Termels, Tiesi o Tigesi, *Totorake, Rota, Turalva.

Montacutu

Alà, *Aba Formosa, *Bacuri, Bidhucara, Bòtidha, Budhusò, Bantine, Berkidha, Bunne o Balamune, Castedhu, *Gaeciana, Crasta, *Golianuti, Idhatene o Gatema, Lerno o Lerron, Monti, Nastarre o Restellus, Nulvara, Oleva, Osidhe, Oskiri, Oti o Ossi, *Santa Maria de Ardarello, Ulule, Uludulfe, Urra o Sant' Elias, Patada, Tula.

Montiverru

Castedhu Etzu o Verru, Gurulis Noa, Nuraghe Longu, Pitinnuris, Salamatile o Salamater, Salamura, Santa Vitoria, Santu Lussurzu, Iscano, Sennariolo, Seti Funtanas.

Nughedu o Bisarcio

Biduvè, Bisarkiu o Bisarcio, Buthule o Guthule, Ivessa, Lerron, *Lexanis, Nughedu, Nugor, Otieri, Pianu, Pira Demestiga, Orveis o Urdofe.

Nulauro

S'Alighera o L'Alguer, Carbia o Calvia, *Eci o Etii, Lunafras, San Marco, Vessus.

Nurcara

Cucu o Curtei, Curos, Minussadas o Santu Miali, Minerba o Minervae, Musidanu o Mukianu, Nurcar, Romana, Savillanu, Simanari, Bidha Noa Montilioni, Montilioni, Calabrike, Ferrukesa.

Nurra

Abaya o Nurki Mayore, Albaro, Barake o Baratz, Castedhu, Duos Nurakes, Erguilo o Ercoli, Erthi, Esse, *Jilitis, *Guania, Issi o Yssi, Locu, *Nurki Minore, Nureki, Uralosso o Orulesse, Espela o Essole, Erio o Ora, *Tamarit, Trana o Suryana, Ussi o Usso.

Pienalza

Bosa, Bosa Betza o Bosa Manna, Frussio, Magumadas, Modolo, Mogorgor o Mogulterra, Montresta o Suta Monte, Oyo o Oinu, Sagama, Sindhia, Sune, *Supra Monte, Tinnura, Triuraghes, Triganino o Nuraghe de Triganu.

Romangia o Montes

Bosue, Cau o Cleu, Domus Noas, Enene o Eba Ciara, Eristala, Jeridu, Joscari o Joscla, Iscalas, Mascar, Drusper o Uruspe, Osile, Playano, Gucey o Girioi, Murusas, Ogothi, Santu Kirigu o Feliskentini, Santu Batore o Jonsa, Santu Bainzu o Erigis, Silikuennor, Sassalo o Sassalis, Sennaru, Silki, Sossu, Taniga o Tanake, Utali o Utari, Zennos o Kennor o Gennonis, Tincaru, Thathari, Titari o Santu Tetaru.

Sulumedu

*Frussia, Sulumedu, Ucari, San Marco.

JUDICAU DE ARBAREA O ARBARIKESU

Dae su seculu IX a su 1420, bidhamanna: Aristais, mannaria kmq. 8.832, biventis casi 100.000.

Barbaza de Brebì o Meana

Brebì, Aritzo, Meana, Gadone.

Barbaza de Ollollai

Austis, Crapedha, Fonne, Gavoi, Lodine, Mamuzada, Ollollai, Ortzai, Orrui o Orreade, Ovodha, Teti, Tiana, Oleri o Santu Pedru.

Barigadu

Allai, Ardaule, Bidonì, Busaki, Campeda, Frodonjanus, Lodhuo, Modhamene, Montisantu, Monti, Neoneli, Nughedhu, Ossolo, *Sorrai o Lorrai, Sorradile, Ula, Truskedu.

Bonurtzuli

Arbus, Atzei, Bonurtzuli, Candella, Funtana Fenugu de Urgho, *Jenna o Gedes, Gonnos Fanadiga, Grutzu, Guspini, Marrubiu, Monreale, Pabillois, Santu Bainju, Cidranu, Santu Pantaleu o Arkitanu Picinnu, Santa Iusta de Uta Passeris, Santa Maria de is Acuas, Santu Dominu de Jaca, Sardara, Serdis, Serru, Tamis, Terraba, *Terraba de Montes, *Taberna, Santa Maria Tzuabara o Urradili, Uras, Urralidi o Baratuli.

Campidanu Mayore

Piscobiu, Arriora, Boatiri, *Bosue o Boatzi, Crabas, Donigala Fenughedu, Feurredha, Jipa, Massama, Nuraki, Nuraxi Albu o Nuracraba, Nuraxiniedhu, Senuski, Santu Idu o Bidha Longa, Fununi o Santu Kirigu, Siamayori, *Sinipula, Soasa, Sabarussa, Tharros, Tzedhiani, Tzrofoliu, Santu Marcum de Sinnis.

Campidanu Miris

Barigadu, Baulau, Bonacatu, Cracarxu, Mirhis, Narabuya, Mirhis Pikinnu, Santu Simeoni de Besala, Santu Eru, Santa Brabara de Turre, *Santa Maria de Bidha Arubia, Seneghe, Sodhi, Ispina Arba, Trogatzus, Tramatza, Tunis, Urasa o Urasanna, Tzipiriu.

Mandra Olisai

Atzara, Bidhusa o Mandra Olisai, Desulo, Asuai, Issiria, Lunissa o Lionissa, Ortueri, Samugheo, Sorgono, Ispasulè, Tonara, Toneri, Arasulè, Teliseri.

Marmidha

Atzeni, Baradili, Baressa, Barumini, Cilixa, Forru, Jesturi, Is Pratzas, Luamadrò, Pauli Arbarei, Ursare Piccinna o Ursaredha, Setzu, Sidhi, Sitzamus, Tuirhi, Turri, Ursare Manna o Soramanna, Mara Arbarei, Bidha Noa Forru, Bidha Noa Franca, Janui.

Parte Montis o Montangia

Cracaxa, Gamussi o Gemusi, Gonna Codina, Gonna Tramatza, Gotzua, Mraxini, Masudhas, Moguru, Mragaxori, *Pardu o Almos, Pompu, Simaba, Siris, Sersela.

Parte Usedhus

Abas, Baini, Barumele, Crucuris, Domus de Funtanas, Escovedu, Figu, Gonnanò, Ollasta, Pau, Usedhus, Tzebara.

Parte Balentza o Brabaxana

Assou, Asui, *Brabaxana, Balentza, *Goni, Jenadas o Gonare, Moguredha, Janoi, Laconi, Nuragus, Nureci, Nuradha, Seis, Ruinas.

Campidanu de Simaghis

*Banjus, Simaghis Jossu, Crabilis, Ollasta, Aristais, Pramas Arborei, Pramas de Ponti o Isca de su Ponti, Pasubonu, Sant'Eru Conjus, Conju, Santa Iusta, S'Ia Manna, S'Ia Picìa, Sibì, *Simaghis de Mraxani, Simaghis de Santu Lianu, *Ispinarba, Bidhobrà.

Parte Guilcer

Abasanta, Bidumayore, Boele, Bonoredhu, Busurtei, Domus Noas Canales, Bilartzi, *Guilicer, Lestincus, Lighei o Lokeri, Noni, Norbedhu, *Nordai, Nurghidho, Orogono, Paule, Ruinas, Sedilo, Sella, Sodhi, Sorradile, Suei, Tadasune, Urri o Uras, Uskei, Zuri.

JUDICAU DE GALLULU O GALLULA O GALLILESU

Dae su seculu IX a su 1308, bidhamanna: Lokusantu, mannaria kmq. 4.074, biventis casi 50.000.

Balariana o Balaniana o Balayana

Balarianu, Batore, Nurakis o Nuraghes, Santu Tranu o Uranno, Santu Istevene, Suraca o Surake, Telarju o Santu Lussurju, Binza Mayore.

Canahim

Aliagana o Ajana o Ojani, Canahini o Canaili, Carana o Canaran, Siulonis o Sililonis.

Gemini

Agyu, Bultijata, Caranyane, Latinaco o Lerinassi, Luras, Nukis, Taragani o Telanyani, Tempiu, Binzedha o Vinyes.

Montangia o Montanea

Araona o Arcagani o Aryagono, Austena o Aristana o Aristanis, *La Paliga, Lungonis, Loku Santu, Marassino o Malassani o Melaxini, Assunis o Russoni.

Orfili

Loiri o Lokele, Orfilis o Ovidhè o Orfidis.

Orosei Gartedhi

Bibisse, Cologone o Golionis, Durgale, Dulicorra o Delissorre, Duacore o Duassodera, Firuli o Hurulis o Filluri, Gartedhi, Gultudofe o Godhossove, Gorgorai, Ircule, Isarlis o Isalle o Gisalle, Irgoli, Istedhu, Loke o Iloy, Locoe, Locula, Longu, Lubula, Muro o Muri, Nurule o Nuryalle, Oliana, Oniai, Orosei, Santa Maria Madhalena, *Sifilionis, Torpè Ispeirtu, * Guadanu, *Unuthe, Montanea.

Barbaza de Bitzi

Bitzi, Dure o Dura, Onanie, Orune o Urune, Garofai, Santa Felicita de Bithe.

Pasada

Gongolenno o Guerrenolenneri, Gurguray o Molara, Lodè o Lodedè, Panane o Paune, Pasada, Santu Paulu de Reskino o Ariskion, Santa Mariade de Lugula o Lucula, Sas Vides o Vitithe, Thiniscole, Solità o Sorcinissa, Pelarà, Sullai, Tamarispà, Tolpè, Ussela o Ossillili o Ossii, Lochole, Lorada, Sa Fae, Feronia.

Caras o Taras

Agugari o Gorague, Lablussu o Agultu, *Baradilis, Bonjas, Mortedhu, Caldosa, Cokinas, *Cramistade, La Pia, Melagra o Mala Caras o Mela Tarasi, Monte Agliu o Montinarjii, Monte Caredu, Vinyola, Bidharba, *Dumo o Davi, Santu Lussurzu de Oruivar.

Unale

Altzakena o Arisakena, Barantanyana o Abaguana, Budelli, Capikeres, Corruaro o Santu Lussurju de Oruviar, A Madhalena o Porcarju, Maciumannu o Crasta, Oltumuratu o Otsumuradu, Scupeto o Istodu, Unale.

Fundimonte

Campu Mayori de Tertis, Caressus o Caresi, Cunyana, Larathanos, Mayore, Pussolo o Putzulu o Pusolis, Santa Maria de Terranoa, Telti o Tertis, Terranoa, Verre.

JUDICAU DE PLUMINOS O KARALITANI O KALLERETANI O KALARESU

Dae su seculu IX a su 1258, bidhamanna Santa Gilla, mannaria kmq. 8.226, biventis casi 100.000.

Barbaza de Seulo

Drodori o Durgodor, Istressili, Jersadili, *Guidilasso o Gedelaso, Genossi, Sadali, Seui, Seulo, Trobijitei o Turbeni Gentilis, Ussassa, Lusei o Musey, Siki.

Campidano o Civita

*Gruoros, *Barcudi, Bidha Noa Santu Asibi, Bidranu o Biobanno, Castedhu, Calagonis, Crabonaxa, Cepola o Kipullas o Sebolles, Coronju, Figuerga, Frumini, Jeremeas, *Grulli, Mara, Massarja, Misa o Thizae, Pauli, Morus, Murta Urci, Nuxedha, Prama de Capitano, Pirri, Cuartu, Cuartu Jossu, Cuartuciu, Cuartu de Sus, Santu Pedru Paradisu, Santu Pedru de Ponti, Sant'Agatha de Ruthilas o Sant'Ada, Simbilia, Santa Gilla o Cilla, Santa Maria de Paradisu, Santa Maria Crara, Santu Lianu in Cannedu, Ceraxus, Sennoru o Sinnuris, Separassiu, Serra Idha, Sestu, Setimu, Seurru, Sici o Suxi o Sixi, Sicosini Serdi o Situxi o Sigussini, Sìnnia, Sirigarju, Sisula o Setzalis, Solanas, Su Idanu, Susua.

Cixerri

Bidha de Cresia o Igresias, Acua Frida, Antes o Antas, Astia o Stia, Barega o Bareka o Barreche, Baretas, Binjarja, Cannonica, Borrus, Casas o Casis, Cixerri, Concas, Coronju, Domunosa, Fraci, Fronja, Jessa, Jossu, Gonnesa, Intili, Margani o Marganais, Musei, Onnixedhu, Orsu o Urso, Pardu, Santu Juanni Suerju, Seguli o Santu Lianu, Santa Itroxa o Baratuli, Frumini, Santu Arenti, Santu Xenti o Seici, Saruis o Sirussi, Sebatzus Jossu, Sebatzus Sus, Sebeli Russo, Stiaorro o Gulbisa, Bidha de is Cresias, Bidha Matzraxa, Silicua, *Antesumande, *Masie o Mazii, *Solanes.

Deximu

Arcedha, Assemini, Deximu Corru de Forcillas, Mairu, Moguru de Liurus, Nuraci, Piscina Ortu o Ortu de Xidru, Santu Sparau, Santu Inesu, *Sepontis, *Siminis, Uda Jossu, Uda, Bidha Spetziosa, *Gonidoy, *Nuraci, Atzedi o Arssen o Arceti.

Parte Olla o Dolia

Bacu, Baratuli o Balardi, Banjarja, Coronju, Jana o Costara, Parteolla o Dolia, Donori, *Jana de Jossu, Lacunedhu, Modulu, Mogori o Moguru, Sici, Muristenis, Nuracada o Nuracato, Nuxi o Nurji, Oladri o Baratuli de Santu Sadurru, *Parasuli, Sa Ayana o Sanna, *Santu Marcialis de Solomura, *Santu Asili de Montis, Serdiana, Sibiola, Sisterra, Solleminis, Stanas, Teulada, Tradori o Trogodori, Turre de Casu o Turris Segazo, Ussana, Segogus.

Parte Gallila o Jerrei

Armunja, Ballau, Castanjas, Iscalebranu, Corrulongu Serlongo, Jerrei, Pauli, Goni, *Gonosa o Cannase, Latinus o Lentini, Lobinas o Solinas, Nuraxi o Santa Maria o Crari, Guidale o Santu Cristolu, Sassai, Silius, Siuru, Speciani o Spadianu, Sualesi, Bidhesatu.

Parte Gipi

Acuesa, Banjuludu, Bidhaitzu, Deximuputzu, *Donnikello, Fanaris Jossu, Fanaris Sus, Gurgosa, Leni, Masona o Matzalo, Su Masu,*Muntonis, Murta, Pau Sus, Sabodhus Jetha, Sabodhus Ussara, Sabodhus Jossu, Ussara, Samassi, Pau Jossu, Santu Miali o Nispidi, Santu Pedru o Prama, Jipi Sus, Scarponi, Serramanna, Siarus, Sogus, Bidha Xidru, Bidha Sorris, Tzipeddhu o Jipi Jossu, *Fullis, *Dorae.

Colastrai o Tolostrai

Arculentu, Bidhamyore o Ponti Mayore, Colastrai o Arkepiscobu, Jiba Cresia o Plateis de Castiadas, *Menori, Mumossa o Mamusi, Su Reu, Castiadas, Olia Spetziosa, Camisa.

Nuras

Cabuderra, Kia, Cucuru o Curki, Madhalena, Monte de Sali, Nura o Sant'Efis de Nuras, *Ortu Jacobo, Perd'e Sali, Perda Sterria, Pula o Padulis de Nuras, Raboni o Garabionis, Bidha Santu Pedru, Sarrocu, Sennoras o Siratae, *Torralba, *Vestar, *Bidha Noa.

Nuraminis

Barrali o Baralla, Cancedhus, Cracaxa, Furtei, Nurake, Murakesus o Maraqusi, Nuraminedhu, Orri o Borri, Pubusa o Murapubusi, Samassi, Samatzai, Nuraxi de Furtey, Pramontis, Sadhori, Segogus o Segafenu, Segariu, Serrenti, Siutas, Bidha Arega.

Ozasta o Hullastrè o Trigonia Barbaria

Barì, Baunei, Donigaja, Ertili o Elcono, Jelisuli, Irbono, Jersu, Lanusè, Lokeri, Lotzorai, Manurri, Osìni, Talana, Tortoelì, Ulassa, Urthullè, Bidha Manna, Bidha Noa Istrisaili, Ardali, Arthana, Gairo, Elinu, Triè.

Cuirra

Foghesu, Chirrae o Kirra, Santu Pedru, Lestincu, Tertenia, Uluedu o Urlo o Ulli.

Sarrabus

Murera, Orrea o Cotinas, Pranu is Abis, Cirras, Santu Idu, Santa Maria o Carruti o Terruti, Santa Maria Itria o Petrera, *Sarrabus, Sorrui, Tronu, Bidheputzu.

Sriugus

Baraci, Cossu, Donigalla, Iscroca, Iscalebranu, Jexrei, Jesico, Goni, *Gripolli, Isirhi, Mandhas, Nurri, Arrohi, Ortulanus, *Reoli, Sarasi, Serri, Sisini, Seurgus, Bidha Noa Tulo, Gotzolai.

Sulkis o Sols

Arenas, Bausterri o Burotri, *Barau de Murakessus, Barbusi, *Barmela, Canedhas, Bau de Cannas, Coderra, Cossus, Cucu Marrocu, Flumentepidu, Funtana Eguas, Garamata, Jiba, Magai, Malfatano, Margodho, Matzacara, Mordeo, Murdegu o Murreci, Narcau o Nulacato, Nebida, Nuxis, Pramas de Sols, Parinjanu, *Pedralonga, Pesus, Perdaxus, Piras, Piscinas, *Pardu, Santadi, Santu Antiogu, Santu Antoni, Santu Jacobi, Santa T rinitatis, Santa Vitoria de Culex, Sirai o Serasi, Suerju, Teulada o Budilla, Tracasi, Tratalias, Turri o Urradoli, Bidha Maris, Sa Baronia, Bidha Erriu, Bidha Scrua, Tului.

Trexenta

Arcedha o Arcu, Arixi, Auda o Alluda, Banju de Liri o Niri, Banjus, Barrabi, Campu, Cracaxia, Cixi, Dei o Dey, Fraus, Friuxosu, Gomayori, Guasiba, Lanessi, Oliri o Liri o Arrili, Onigu, Onnigalla, Ortacesus, Pau, Pramantellu, Pranu Mois, Santu Asibi, Santu Sadurru, Santu Andria Frius, Santa Iusta de Lanike, Santa Lukia o Arixi Mannu, Santu Millanu, Santu Sadurru de Kida, Sebera, Segariu, Segolai, Seligas, Senobrì, Seuni Mannu, Simieri, Sioco, Sirbau, Suelli, Sisini, Turriga.

Totu is nominis ki teninti su sinnu * a costau funti bidhas ki no s'esti agatau su logu pretzisu in sa Partes in cui beniada numenada.

[Scrii a Francu De Fabiis] [Torra agò] [Torra a su jassu de “Mùsica Sarda”]